الباشا......طحان

YOUR POST TITLE HERE
SOME DESCRIPTION OF YOUR POST HERE

حكايه روح

8:27 م

El_Tahan , 6 Comments

كانت اخر دقيقه فى عمره....كان برضه بيفكر فيها....كانت وخداه فى حضنها ....نايمه راسه على اديها....ولما لمست دموع خده حس بيها وبص ليها ....وباللى باقى من قوه عنده حب يمسح دموع عنيها....كانت لحظه ماتتوصفش ....كانت لحظه ماتتحكيش....كانت لحظه فيها بمشى وليها كان عايز يعيش.....وابتدت صورتها تروح عن عنيه وتيجى تانى ....قال ساعتها بصوت مجروح اوعى تنسى فى يوم ايامى....حطت ايدها على شفايفه قالت له انا عايشه بحنانك....ضمت اكتر ليها حضنه....قالت لسه كتير قدامك

ولم تنتهى الحكايه بعد.......

اغنيه عجبتنى للفنان محمد عدويه

شكرا

خلصت اجازه العيد

1:49 ص

El_Tahan , 15 Comments

يوووووووه خلصت اجازه العيد وهنرجع تانى لهم الدراسه والامتحانات والهموم التقيله ربنا يستر وتعدى علينا بسلام يارب ويوفق الجميع الواحد مش عارف هيذاكر ازاى بعد ماكان مريح وكان باشا ومزاجه عنب بس هنعمل ايه باه لازم كده الحياه مش كلها عنب فى فاكهه كتير فى التلاجه لازم كلها تتاكل خلال التيرم ده وخصوصا انها السنه الاخيره يعنى يارب تعدى كلها بسلام وعلى راى المثل "قال يامربى فى ولد ولدى تطلع البت لامها "ربنا يوفقنا جميعا وتكون كده الامتحانات بردا وسلاما ان شاء الله وبعدين فى مقوله بتقول حب ماتعمل حتى تعمل ماتحب وادينا بنحاول نحب اهوه قول يااااااارب وادينا بنقول ماااااااااااااااءوبقدم لكل زوار البلوج بتاعى ورده عيديه لزوم التفاءل يعنى من باب ورده لكل مصرى وكل عيد وانتو طيبين.

شيخ المجاهدين الشهيد عمر المختار

2:10 ص

El_Tahan , 15 Comments

كانت اخر كلمات عمر المختار قبل اعدامه:

"نحن لا نستسلم...ننتصر او نموت...وهذه ليست نهايه...بل سيكون عليكم ان تحاربوا الجيل القادم والاجيال التى تليه...اما انا...فان عمرى سيكون اطول من عمر جلادى."

ياليله العيد......انستينا

1:04 ص

El_Tahan , 7 Comments

الطحان يهنئ شعب مصر بحلول عيد الاضحى المبارك ويتمنى لكم عيدا سعيدا وجميلا وملئ بالاكل الجميل. الاكل ده عايز له يوم لوحده عشان كده عيد لاضحى اربع ايام لان فى يوم للاكل بس اما عيد الفطر تلاته لان اكله ضعيف انا بقول لكل واحد يخاف على نفسه انا عن نفسى مش هخاف هههههههه انا هاكل ده العيد مره واحده فى السنه هههه.العيد ده ملئ بالزكريات والفرح والمرح انا بحبه لان الواحد بيعيش الفرحه الحقيقيه اتمنى ان انتو تكونو سعدا زيي او نص سعادتى لان سعادتى من قلبى وربنا يسعد كل الناس.

بقيت مصر رغم انف الجزاير

6:14 م

El_Tahan , 3 Comments

هييييييييييييييه جزاير والله الواحد مش عارف يقول ايه هى دى العروبه هى دى الكوره عشنا وشفنا الكوره بقت ضرب وشتيمه وبهدله والفريق الوحش يكسب والفريق الحلو يخسر تعمل ايه باه هو ده الزمن الجاى على راى محمود سعد ده ماتش كشف المستور وعرفنا اللى فيها خلاص بس تعمل ايه باه احنا شعب غلبان وطيب شويه هتلاقى رئيس الجزاير وجايب فى ايده اتنين كيلو لب ويقول لنا العروبه والوطنيه وانتو القلب الكبير وانتو وانتو..........طيب هوعشان يعنى احنا القلب الكبير ناكل على قفانا ونسكت انا مش شايف فى كده اى كرامه ولا كبرياء لو مش هنرد سياسيا مش شعب يفضل يشتم فى شعب وخلاص يبقى نقفلها احسن الواحد بعد الماتش الاولانى قال انه يشرفه انه يشيل الجنسيه المصريه ولحد دلوقتى بنقول كده عشان كده احب ان بلدى تبقى احسن البلاد مش احقرهم زى مابيقولو علينا وبعدين دول كسبانين طب ايييييه نعملهم ايه اكتر من كده والله الواحد معدش عارف يقول عروبه ولا زفت شعب الجزاير ده شعب حمير بجد يعنى لما يضربونا هنا وفى السودان وفى الجزاير وكمان يقولو مش هنسيب حقنا والله حلوه يامصر وحلوه ياجزاير الواحد متضايق جدا ربنا يستر فى الايام اللى جايه وتبقى مصر رغم انف العرب كلهم وانف العالم ان شاء الله

مصر هى امى

12:41 ص

El_Tahan , 1 Comment

مش لاقى كلام اعبر بيه عن فرحتى بس المهم مبرووووووووووووووووك ل80 مليون مصرى تستاهلوها والله ياولاد الف مليون مبرووووووووووووووك

انا مش عارف اتغير

1:32 ص

El_Tahan , 0 Comments

الموضوع ده كل الناس بتعانى منه على الاقل من منبرى هذا اقدر اقلكو ان فى اصدقاء مقربين ليا بيعانو منه. على الصعيد الشخصى انا عن نفسى بعانى منه.اى نعم ربنا انعم علينا بنعمه النسيان ولكن احنا فى الموضوع ده بالذات ماينفعش ان احنا ننسى. كفايه كده نسيان ولازم نبدا ناخد خطوه ايجابيه ولازم كل واحد يقول حاجه يكون ادها ويحس انه قال الحاجه دى من جواه من اقتناع من داخله اذا قدرنا نعمل كده اوعدكو هنتغير عن وضعنا اللى احنا فيه .التغيير ممكن يكون فى كل حاجه فى الانسان ممكن يكون فى الايمان او الحب او الصداقه او اى شئ يرى صاحبه انه ممل بالنسبه له .اهم حاجه الرغبه فى التغيير تنبع من داخل الانسان. والسلام عليكم اشفكو البوست اللى جاى