صرخة شباب الفيس بوك


بسم الله قبل مابدا كدا ان شاء الله لازم احيى شهداء الثوره المصريه شهدائنا ولادنا زمايلنا اللى قدرو يوصلو البد لحاجه زى دى الناس دى ماتت عشان احنا نعيش لهم جميل كبير فى رقبة كل مصرى انا لما شفت المشاهد الموجوده على النت بصراحه ماستحملتش لقيت حاجه كدا زى مايكون مشاهد ................ مش قادر اكمل سلام ابقى اكمل ف وقت تانى

نهاية العالم‏..‏ أول مسجد بالقطب الشمالي


بين متاهات من كثبان الثلج والجليد النائية بأقصي الشمال الكندي‏,‏ تقع بلدة شبه معزولة عن العالم‏,‏ لكن نداء الله أكبر سيصل إليها بعد‏10‏ أيام ليرتفع من مئذنة مسجد هو الآن علي متن عبارة تحمله إليها.
فوق مياه نهر يمر بجوارها‏,‏وحين يتم تثبيت المسجد وتركيبه‏,‏ سيأتي للبلدة بدفء تحتاجه بالتأكيد‏,‏ فمعدل حرارة جوها يصل إلي‏40‏ درجة تحت الصفر وأكثر‏.‏تلك البلدة اسمها إينوفيك‏,‏ وفيها يقيم من‏75‏ إلي‏80‏ مسلما‏,‏ جميعهم تقريبا عرب جاؤوها من كندا التي يحملون جنسيتها‏..‏ ولأنهم كانوا بلا مكان يقيمون فيه الصلاة‏,‏ سوي بيت متنقل من الخشب عرضه‏3‏ وطوله‏7‏ أمتار‏,‏ وبالكاد أصبح يسع نصفهم تقريبا‏,‏ فقد نسجوا حلما ببناء مسجد لهم بإينوفيك‏,‏ البالغ عدد سكانها‏3700‏ نسمة فقط‏.‏ومع أن كل ما في البلدة التي يعني اسمها مكان الناس بلغة الاسكيمو الأصليين هو صقيعي من إرهاب الجليد القاسي علي سكانها‏,‏ إلا أن الأسعار فيها تغلي علي نار‏,‏ فهي تزيد علي أسعار أي مدينة كندية تقريبا‏,‏ لأنها نائية ووصول البضائع والمواد الخام إليها مكلف وصعب ومرهق مثل زمهريات ورياح شتائها الطويل‏.‏لذلك تحول الحلم ببناء المسجد إلي كابوس مالي يؤرق قلة من المسلمين وجدت نفسها غير قادرة علي جمع ثمن الأرض وتكاليف البناء والتجهيزات وتوابعها المتنوعة‏,‏ والتي تقترب من‏750‏ ألف دولار علي أقل تقدير‏,‏ إضافة إلي أن الخبرة ببناء وتجهيز المساجد غير متوافرة لأحد منهم‏.‏وبوصول طبيب وصحفي سعودي يقيم في كندا أيضا‏,‏ ولكن بعيدا عن إينوفيك بأكثر من‏4‏ آلاف كيلومتر‏,‏ ويشرف علي مؤسسة خيرية إسلامية أسسها مع زوجته هناك تحت شعار السنة والصحابة والسلف الصالح‏,‏ قرر أن يحقق لمسلمي البلدة الجليدية حلمهم الدافئ بمسجد يبنيه لهم بنصف مليون دولار‏,‏ أي أقل بمائتي ألف من تكاليفه بإينوفيك‏,‏ وساعده بالجهد والتبرعات بعض المقيمين في البلدة من العرب‏,‏ ومنهم سيدة سعودية أسهمت وحدها بأكثر من‏190‏ ألف دولار‏.‏أما عن بناء مسجد نهاية العالم‏,‏ فقد بدأ في إبريل الماضي‏,‏ وحين انتهي البناء اتفقوا مع سائق كندي خبير بمنطقة السفر البري إلي إينوفيك‏,‏ فجاء ومعه شاحنة عملاقة عرضها أكثر من‏7‏ أمتار مزودة بفريق من العمال والفنيين وضعوا كامل هيكل المسجد البالغة مساحته‏457‏ مترا مربعا‏,‏ وبداخله لوازمه من منبر وثريات وأبواب وسجاد‏,‏ برافعات ضخمة علي ظهرها‏.‏ثم بدأت الشاحنة رحلتها في أوائل أغسطس الماضي‏,‏ بالسير البري نحو الشمال وسط ظروف مناخية هي دائما صعبة‏,‏ فمر بمدينة إدمنتون بمقاطعة ألبرتا‏,‏ طوال شهر كامل لم يقطع خلاله سوي‏2900‏ كيلومتر فقط‏,‏ أي المسافة بين السعودية والمغرب تقريبا‏.‏تلك المسافة هي أبعد من منتصف الطريق إلي إينوفيك بنحو‏400‏ كيلومتر تقريبا‏,‏ وهي تنتهي عند بلدة في منطقة لا تستطيع الشاحنة التوغل من بعدها بالبر‏,‏ وفيها تنتهي مهمة الشاحنة‏,‏ والتي تكلفت أكثر من‏45‏ ألف دولار‏.‏ومن ثم‏,‏ تم إنزال المسجد من الشاحنة‏,‏ برافعات وضعته علي متن عبارة عملاقة أبحرت به منذ أسبوعين‏,‏ ولاتزال مبحرة للآن في مياه نهر ماكينزي الجاري إلي إينوفيك‏,‏ الواقعة عند دلتا تتفرع من النهر العميق‏.‏ومع العبارة تبحر دعوات من ينتظرون المسجد في إينوفيك‏,‏ بأن تنتهي رحلة النقل النادرة بسلام بعد‏10‏ أيام وتصل إلي هدفها الموعود‏,‏ ليتم تثبيت المسجد علي إحدي قطعتي أرض اشتراهما مسلمو البلدة في حي سكني بمبلغ‏97‏ ألف دولار كندي‏.‏أما تكاليف نقل مسجد نهاية العالم بالعبارة النهرية إلي إينوفيك‏,‏ فهي تقريبا‏49‏ ألف دولار‏,‏ بحسب ما قال المهندس أحمد الخلف‏.‏ وأضاف أن المسجد لن يكون كاملا حين يصل‏,‏ فهو بحاجة إلي المزيد من السجاد والثريات ووضع اللمسات الهندسية الأخيرة عليه‏,‏ لذلك فأول صلاة ستقام فيه ستكون بعد أسبوعين تقريبا من وصوله الموعود‏,‏ إلي بلدة ليس فيها مقبرة ولا مدرسة إسلامية إلي الآن‏,‏ وفيها حدثت حالة وفاة واحدة لمسلم غاب عن الدنيا هناك‏,‏ فنقلوا جثمانه بالطائرة إلي مقبرة إسلامية في إدمنتون‏,‏ حيث يقيم ذووه‏.‏والمسجد حين يصل يحتاج إلي‏40‏ ألف دولار لتركيبه وتثبيته وتجهيزه بالكامل‏,‏ بينما خزينة جمعية إينوفيك الإسلامية خالية من أي مبلغ يفي بالغرض‏.هذا الموضوع منقول من الاهرام اليومى بالحرف . نقلته كى يعرف كل مسلم ان الله اكبر ف كل مكان.

الله اكبر الله اكبر الله اكبر

كل سنه وانتو طيبيييييييين وبخير يارب


اتاخرت عليكو بس غصب عنى كل سنه وكل الناس طيبه وكويسه ويارب مانباش طيبين ف رمضان بس يارب طول السنه لان حاجه مش طبيعيه تلاقى الناس كلها طيبه وجميله ف رمضان وبعد رمضان ماتعرفش ايه اللى بيحصل زى مايكون الشيطان لما بيتفك تاثيره ايييييييييييه شديد جدا عالناس ربنا يهدى الجميع يارب المهم مش عايز اخوص الموضوع ده وانا داخل عشان اهنى الناس بمناسبه الشهر الكريم وربنا يارب يجعل الناس كلها سعدا وكل سنه وانا طيب وانتو طيبين

زى الدموع

مش عارف اقلكوا ايه ياجماعه انا تعبت فى عمايل الفيديو ده اد ماتعبت لكن ماحسيتش بملل غير وانا برفعه عالبلوج لان النت مش مساعد بس كله عشان خاطر زوار المدونه يارب الفيديو ده يعجبكو ودى اول حاجه اعملها وكل واحد يشوف الفيديو ويقولى رايه بصراحه او يقولى جامد جدا ههههههههههه مش عايز اطول عليكوا بس يارب يعجبكوا اه كنت هنسى الاغنيه لاحمد رجب واسمها زى الدموع اتفرجوا على الفيديو وقلولى رايكوا لان رايكو يهمنى جدا.

برافو ياحكومه


الحكومه اه ياحكومه هتعملى ايه تانى فينا ياحكومه مش عارف اضحك ابكى افرح ارغى ارغى احسن بصوا انا كنت لسه بتكلم فى الموضوع اللى هكلمكوا فيه دلوقت مع ناس كبيره ناس واخده خبره من الحياه خبره التكيف مع العيشه فى مصر بس ماحدش فدنى بس يارب تفيدونى انتو اتمنى كده الموضوع اللى انا هتكلم فيه بعيد عن السامعين هو الضرايب العقاريه خدنا ايه منك ياحكومه عشان ندفع لك ضرايب على راى عمرو الليثى اهو ده اللى ناقص كان فيه كاريكاتير عامله مصطفى حسين كان نظيف واقف مع الريس فالريس بيقول لنظيف شوف الهوا جاى حلو ورايق ازاى قاله لو عايزنا ياريس نفرض عليهم ضرايب ع الهوا من بكره الصبح نفرض عليهم ههههههه مافضلشى غيرهم ياحكومه الهوا والميه وربنا يستر فى الايام الجايه اقلكوا باه الحوار دار مابينا ازاى مع الناس الكبيره دى وانا شاب والحماس وخدنى شويه واحد قال والله الحكومه فاضيه كل مايلاقو نفسهم فاضيين يروحو مطلعين قرار جديد واخرتها الضريبه العقاريه واحد رد عليه قاله هنعمل ايه هما اللى ماسكين البلد رد عليه قاله المفروض ياخدو من الغنى بس رد عليه قاله ازاى هى الحكومه بتيجى الا ع الفقير الغلبان رد عليه قاله دول ممكن يفرضوها ع الفقير بس ومايفرضوهاش ع الغنى وانا فى الحوار ده كله قاعد مستمع عنيا تروح لده شويه ولده شويه ولقيت الناس مستسلمه خااااالص روحت انا قايل ايه طيب ياجماعه دلوقتى احنا ممكن مانقدمش الاقرارات دى ونبقى احنا الكسبانين لقيت واحد رد عليا وصوته بدا يرفع كده ويقولى ماينفعش ازاى دانت تتبهدل قلت له دلوقتى لو تمانيين مليون مواطن ماقدموش الاقرار ده ايه اللى هيحصل؟؟الاقى واحد من القعده يرد عليا ويقولى ازاى دى الحكومه ياعم انت بتهزر انت اللى الحماس وخدك حبتين تعالى اركن جنبى هنا وقول حاجه مفيده فقلت له دانتو اللى بتهزروا والله لما نفضل ساكتين لحد الدرجه دى امال هنتكلم امته ماعندها حق الحكومه تركبنا ماحنا اللى عايزين كده يقولى انت عارف اللى انت بتتكلم عنه ده ايه ؟ اقوله ايه! يقولى انت عايز تقلب نظام البلد ياعم مايتقلب ولا يولع احنا لازم حقوقنا ناخدها وبعدين لازم ندور على مصلحتنا شويه دلوقتى اتفررض علينا نظام مش قابلينه يبقى العقل بيقول اننا لازم نعترض واحد يقولى انت مش من هنا ياكابتن ت ايه قلت له نعترض مش اعترض قالى يابنى انت فاهم بلدنا غلط انت مش عارف حاجه قلت له بكل جراءه ليه يعنى ايه اللى هيحصل لو كلنا بقينا يد واحده ووقفنا ادام حاجه زى دى كلنا مانقدمش الاقرار وناخد خطوه جريئه كده قالى ومين اللى هيقف معاك كله بيقول يلا نفسى رديت عليه قلت يبقى احنا اللى خدنا اننا نضرب على قفانا احنا اللى عايزين نبقى كده وبعدين ماهو لازم كده من اعمالنا لازم ربنا يسلط علينا خلقه لازم نشوف الهم ونسكت كده فواحد حكالى قصه كده اقنعتنى صراحه قالى بص الفقير مايعرفش يعمل حاجه فى البلد دى قالى كان فيه قصه زمان اتحكت لنا ايه هى ان كلب واحد غنى عض راجل فقير ام ايه الفقرا وقفو مع الراجل الفقير ده وقالو له لازم ترفع قضيه ده الكلب عضك فى ايدك وعاملك ساعه اهوه قال ياجماعه المسامح كريم قالو له لا لازم ترفع قضيه واحنا معاك وبتاع المهم الراجل سمع الكلام وفعلا رفع قضيه ويوم المحكمه حضر الفقير والغنى فالغنى كان معاه ييجى عشر محامين ومحامين ايه جهابز يعنى مستشارين قدروا المستشارين دول يثبتوا ان الراجل هو اللى عض الكلب ولازم يدفع تعويض ويجيب حق الساعه اللى الراجل خدها من الكلب هههههههههههههههه دنيا لها العجب هو ده اللى بيحصل دلوقتى معاك سلطه دوس عالتخين والرفيع اقتنعت بس لسه ماقتنعتش اوى قلت يعنى الواحد يوم مايحب يعترض فى البلد دى يعمل ايه رد عليا وقلى ابقى خد لك جنب وعبر براحتك محدش هيقولك حاجه قلت هى بقت كده ماشى ياحكومه من النهارده مفيش حكومه انا الحكومه انا الحكومه لقيت الراجل اللى كان قاعد جنبى اللى وشه الطيب الامير اتغير ولقيته بيقولى انت بتشتم فى الحكومه ياض طلع مخبر هههههههه قولتله انا قطع لسانى انا اقدر اشتم فى الحكومه حكومه ايه اللى اشتم فيها دى مهنيانا ومنغنغانا هنشتمها ليه باه احنا كل حاجه شايفنها حلوه وبعدين ماشوفناش منها حاجه وحشه عشان نشتمها ربنا يخلى لنا الحكومه وافتكرت كلام عادل امام فى مسرحيه الزعيم وفضلت اقول اللهم بطخه اللهم فلفله وجزرله وخيرله واديله سلطات على اد نيته وانتظرونى قريبا فى بوست جديد وبرافو ياحكومه .

عيد راس السنه الهجريه


كل سنه وانتو طيبين بمناسبه عيد راس السنه الهجريه وبعدين هو ليه احنا مش بنحتفل بعيدنا يعنى سايبين راس السن الهجريه وعمالين نحتفل براس السنه الميلاديه هههههههههه والله بجد احنا مش عارف مالنا لازم نقلد الناس فى كل حاجه كده ونتخلى عن عاداتنا وتقاليدنا يلا كل سنه وانتو طيبين انا عن نفسى بحتفل باليوم ده لوحدى بحس كده بالفرح وان سنه جديده داخله علينا وبدعى وبقول يارب اللى معرفتش احققه السنه دى احققه فى السنه الجديده ويارب كا احلامى واحلامكو تتحقق يارب.

حوار مع عقلى الباطن


ابداها باسم الله

كنت قاعد فاضى كده ماليش لازمه قلت اكتب موضوع كده فكرت فيه بسرعه وانا قاعد ايه هو باه الهلوسه بينى وبين عقلى الباطن يعنى احكيلكو حوار حصل بينى وبينه مره كنت نايم فى امانه الله بس لسه ماتعمقتش فى النوم الاقيه يصحينى ويقولى

صلاح: انت عملت ايه مفيد النهارده

انا عارفه رخم قلت له مالكش دعوه انا اصلا مفيش بينى وبينه عمار مش بنتفق على شئ واحد ابدا المهم قالى

صلاح:انت بتهزر ايه اللى انت بتقوله ده ماتقوم تذاكرلك شويه اقوله ياعم مذاكره ايه دلوقتى الساعه اتنين بليل انت هتهزر الاقيه بغلاسته يقولى ايه يعنى قوم ذاكر انت هتضيع اقوله يعنى انا لما اذاكر دلوقتى هطلع من الاوائل انت هتشتغلنى يقولى ممكن فعلا تبقى من الاوائل وتبقى مثل مشرف فى مصر واحتمال تبقى مثل مشرف فى العالم كله اقوله ياعم انت هتشتغلنى انت وصلتنى للعالميه وانا نايم امشى من ادامى دلوقتى الاقى الغلس يقولى هتفضل طول عمرك كده كسول مش انت اللى قلت فى يوم من الايام عايز ابقى حاجه اقوله حصل بس حبكت تيجى وانا نايم تقولى مثل وكلام فارغ من ده الاقى الغتت يقولى انت لازم تكون جاهز فى اى وقت اقوله حاضر طيب بس انا عندى كليه الصبح وبعدين سبنى الحق اناملى شويه عشان الساعه بقت تلاته وابقى مفوق فى الكليه الاقيه يقولى انت يالا بليد كده ليه اصحى اعمل حاجه الاقيه عايز يخرج لموضوع تانى يقولى طيب انت صليت النهارده اقوله اه صليت الخمس صلوات الحمد لله يقولى فرض ولا جماعه اقوله كده وكده يقولى طيب مش حرام عليك تضيع منك سبعه وعشرين درجه اقوله خلاص اتعلمت وبعد كده هصل الخمس صلوات فى الجماعه الاقيه يقولى بس انت بتسافر وبتتعب اقوله يعنى ايه يقولى يعنى انت مش هتنفذ اللى انت بتقوله قلتله لا انا راجل واد كلمتى الاقى الغلس برضه مش عايز يحل عن سمايا ياعم ياعم ابوس ايدك سبنى انام الساعه بقت اربعه هنام تلت ساعات بس يقولى الله انت مستقل تلت ساعات ده التلت ساعات دول بيتغير فيه معدل وفيات ومواليد ودنيا كبيره اقوله والمطلوب يقولى انت مش عاجبك كلامى اقوله بسراحه كلامك خنيق الاقيه يقولى كده وانا اللى كنت زمان بنصحك واقولك ذاكر الحته الفلانيه تلاقيها جايه فى الامتحان تانى يوم اقوله اه فاكر فاكر يوم ماصحتنى فى امتحان تانيه ثانوى وقلتلى ان العصر العباسى التانى جاى قمت ذاكرته رحت مالقيتش عباسى خالص من يومها اصلا وانا مش بثق فيك يقولى انت مش حلو لولايا كان زمانك مالكش لازمه قلتله مانا كده فعلا جبت ايه جديد يقولى لا انت باش مهندس محترم اقوله طيب سبنى انام الساعه بقت خمسه الله يخرب بيتك انا عايز انام وصاحبنا ده معندوش دم انه يحل عن سمايا لا المهم قلت لنفسى خلاص سيبك منه وركز فى النوم ركزت كده جامد وسبتنى من موضوع الهواجس ده يادوب هى دقيقه ماستحملش لاقيته بيقولى هاه نمت اقوله الله يحرقك ياشيخ انت مابتزهاش طلعنى من تركيزى تانى اقوله ياعم ابوس ايدك سبنى انام يقولى الله انت بتزعأ ليه انا ماسكك اقوله مانا اللى استاهل ضرب الجزم يقولى صلاح انت ماتستاهلش ضرب الجزم ولا حاجه انت حبيبى اقوله انت جنسك ايه يااخى انت طالع غلس لمين يقولى من كتر قعدتى معاك اقوله انا غلس يقولى اه افتح الموبايل الاقى الساعه عامله كم الاقيها خمسه اقوله ماشى انا هسيبك مع نفسك وشوف هترغى مع مين واقوم اصلى الفجر وابقى قابلنى يقولى هتقوم تبل وشك ومش هتعرف تنام دانت محتاج الربع ساعه نوم ابن الذين كلامه مقنع بيقنعنى بطريقه غريبه اقوله طيب اسكت باه سبنى انام ماشى يقولى حاضر هسكت خلاص بس انت ماتباش تزعالى تانى اقوله حاضر عمرى ماعدت هزعالك تانى دانت حبيبى الاقيه يسكت شويه عبال مايخلصو صلاه ويضيعها عليا ابن الجزمه ويرجع يقولى ايه انت عارف الجو بارد اوى اقوله والله مافى ابرد منك يقولى انت بتشتمنى اقوله ياعم ارحمنى ارحمنى اقوم انام فى اوضه تانيه يعنى واسيب لك الدنيا كلها يقولى لا ماتسبنيش اقوله طيب اهدى باه ماشى الساعه بقت سته خلاص بقى سبنى انام ساعتين كده عشان اعرف افتح عينى الصبح ع الاقل يعنى يقولى انت اصلا لو نمت دلوقتى مش هتقوم قوم اسهر الشويه دول وطبق اليومين وخلاص اقوله لا سبنى انا هنام وهعاير المنبه اهوه ع الساعه تمانيه وهو يصحينى يقولى هوانت بتسمعه اصلا لما تكون نايم بدرى فما بالم لما تكون نايم متاخر اقوله مالكش دعوه واكسفه كعادته بس خلاص الساعه بقت سبعه اقوله بص باه سبنى الساعه دى ينوبك صواب انا تعبت يقولى خلاص هسيبك عشان تلحق محاضراتك الصبح قال يعنى حريص على مصلحتى هنا باه بيسيبنى انام بس ابن الذين بعد ماكان بيصحينى عشان يغلس الاقيه يسيبنى اخد راحتى فى النوم خاااااااااااااااااااالص اقوم من النوم الاقى الساعه كم تلاته العصر اوبااااااا كده ماحضرتش حاجه النهارده ولا استفدت من اليوم ياخسااااااااره هقول ايه حد يقولى ده يتعامل ازاى؟؟ واللى عايز ياخده يقولى وانا ابعتهوله بصراحه انا قرفان منه ودايما مش بنتفق على حاجه نفضل نتناقش كده من غير استفاده ع الفاضى يعنى بيعطلنى وخلاص بس ان شاء الله هحاول اتغلب عليه ادعولى.

powered by Blogger | WordPress by Newwpthemes | Converted by BloggerTheme